បច្ចេកទេសដាំដំណាំចេកឲ្យបានផលច្រើន

#បច្ចេកទេសដាំដំណាំចេកឲ្យបានផលច្រើន

* ការរៀបចំដី៖
- ភ្ជួរដីលើកទី១ដើម្បីសំលាប់ស្មៅ ១០ថ្ងៃក្រោយត្រូវភ្ជួរម្តងទៀត។
* ការរៀបចំដាំ៖
- ទុកចន្លោះពីរងនីមួយៗចម្ងាយ ២ម៉ែត្រ
- ជីករណ្តៅទំហំ ៥តឹកx៥តឹកx៣ជម្រៅតឹក
- ដាក់ជីកំប៉ុស្ត៍ និងដីមមោគ ៥គីឡូក្រាមក្នុង១រណ្តៅ
- យកកូនចេកដែលមានកម្ពស់ប្រមាណ៣តឹក ដែលមានដុះស្លឹកប្រមាណ៣ធាងសម្រាប់ការដាំ
- ដាក់ដាំកូនចេកនៅចន្លោះកណ្តាលនៃរណ្តៅរួចលប់ដីបំពេញ ហើយត្រូវដាំកូនចេកទាំងអស់បែរទៅទិសតែមួយ (មើលតាមស្លឹកធាងដំបូង) ដើម្បីងាយស្រួលប្រមូលផល។
- ពេលដាំរួចដាក់ចំបើងគ្របជុំវិញគល់របស់វារួចស្រោចទឹក។
* ការថែទាំ និងដាក់ជី៖
- ត្រូចធ្វើការស្រោចទឹកជាប្រចាំនៅពេលដែលដីនៅ
ជុំវិញគល់របស់វាស្ងួត។
- នៅពេលវាអាយុបាន ១ខែ ដាក់ជី 10-5-15 ឬ 10-0-20 ៨០-១០០ក្រាម ក្នុងមួយដើម។
- នៅពេលវាអាយុបាន ៣ខែ ដាក់ជី 10-5-15 ឬ 10-0-20 ២៥០ក្រាម ក្នុងមួយដើម។
- នៅពេលវាអាយុបាន ៥ខែ ដាក់ជី 5-15-20 ២៥០ក្រាម ក្នុងមួយដើម។
- នៅពេលវាអាយុបាន ៧ខែជាពេលដែលវាចាប់ផ្តើមមានត្រយោង ដាក់ជី 10-0-00 ៥០-១០០ក្រាម ក្នុងមួយដើម។
- ដាក់ជីកំប៉ុស្ត៍រាល់៣ខែម្តង និងត្រូវធ្វើការសម្ងាតស្មៅជាប្រចាំ។
- ត្រូវកាត់ស្លឹកណាដែលរាងទុំលឿងចេញ ដើម្បីឲ្យវាមានសារធាតុគ្រប់គ្រាន់សម្រាប់ចិញ្ចឹមដើម និងផ្លែ។
- រយៈពេល ៥ខែបន្ទាប់ពីការដាំត្រូវចងបង្គោលសម្រាប់ទប់ដើម
ចេកការពារការបាក់ដើមនៅពេលវាផ្លែ។
- យកថង់ប្លាស្ទិច ឬការុងពណ៌ខៀវចងស្រោបត្រយោងចេក១៥ថ្ងៃ មុននឹងធ្វើការកាត់ប្រមូលផលដើម្បីឲ្យវាមានពណ៌ស្រស់ស្អាត និងការពារពីសត្វផ្សេងៗផងដែរដោយទុកចំហរផ្នែកចុងខាងក្រោមបន្តិច។
- កាត់ចុងត្រយោងចេកចោលនៅពេលដែលវាចេញផ្លែ
ដែលផ្លោសល្អអស់ហើយ។
* ការប្រមូលផល៖
- រយៈពេលប្រមាណ ១០ខែយើងអាចចាប់ផ្តើមប្រមូលផលបាន។
- នៅពេលដែលប្រមូលផលពីដើមចេកណាមួយហើយយើង
ត្រូវកាត់ដើមនោះចោលដោយទុកកម្ពស់ប្រមាណ ១,៥ម៉ែត្រពីដីដើម្បីកុំឲ្យវាដណ្តើមជីវជាតិពីដើមដ៏ទៃ។
- ការតាត់បែបនេះដើម្បីឲ្យចេកចេញកូនពន្លកថ្មីៗ
ច្រើនបន្ថែមទៀតដែលអាចឲ្យយើងជីកយកកូនរបស់វាដាំបន្តទៀត។
- បន្ទាប់ពីប្រមូលផលអស់ហើយយើងត្រូវដាំចេកដោយ
ជីករណ្តៅថ្មីផ្សេងពីរណ្តៅចាស់ ហើយគល់ចេកនៅរណ្តៅចាស់វារលួយ
ក្លាយជាជីសម្រាប់ចេកថ្មីបានផងដែរ។

Read More

សម្រាប់បងប្អូនកសិករដែលចង់ដាំត្រប់ដើម្បីបង្កើនជីវភាព #វិធីដាំត្រប់វែងដើម្បីទទួលបានផលច្រើន សូមជួយចែករំលែកបន្តជាចំណេះដឹងល្អៗ

☞☞ សម្រាប់បងប្អូនកសិករដែលចង់ដាំត្រប់ដើម្បីបង្កើនជីវភាព
#វិធីដាំត្រប់វែងដើម្បីទទួលបានផលច្រើន
សូមជួយចែករំលែកបន្តជាចំណេះដឹងល្អៗ

* ការជ្រើសរើសពូជ 
- ជ្រើសរើសពូជត្រប់ណាដែលទុំល្អ និងប្រភេទពូជដែលមានតម្រូវការទីផ្សារខ្ពស់
- ដាក់បណ្តុះគ្រាប់ពូជក្នុងកន្ទោងសម្រាប់យកដាំ
- បន្ទាប់មកជ្រើសរើសកូនដែលថ្លោសៗល្អមកដាំ។
* ការរៀបចំដី
- មុនពេលដាំយើងភ្ជួរ២ទៅ៣ដង ដើម្បីកំចាត់ស្មៅ និងឲ្យដីធូរ
- លើករងដាំ ទទឹងប្រមាណ៦តឹក កម្ពស់២តឹក បណ្តោយតាមទំហំដី
- កាប់រណ្តៅដាំដែលមានទំហំ២តឹកបួនជ្រុង ជម្រៅ២តឹក ចន្លោះពីដើមនីមួយៗកន្លះម៉ែត្រ
- ដាក់ជីកំប៉ុស្ត ជីលាមកសត្វស្ងួត និងកំទេចស្លឹកឈើចូល រួចយកដីលុបរណ្តៅ។
* ការដាំដុះ
- យកកូនត្រប់ដែលថ្លោសល្អនិងមានសុខភាពល្អដែលមានដុះ៤-៥ស្លឹក មកដាក់ដាំក្នុងរណ្តៅរួចស្រោចទឹកអោយសើមល្មម
* ការថែទាំ
- ស្រោចទឹករាល់៣ថ្ងៃម្តង បើមានភ្លៀងញឹកញាប់មិនស្រោចក៏បាន
- ជ្រុំគល់ ដកស្មៅ ការពារសត្វ និងរោគបំផ្លាញ ក្តិចស្លឹកចាស់ៗចេញ និងបន្ថែមជីកំប៉ុស្តរាល់២អាទិត្យម្តង
* ការប្រមូលផល
ក្រោយពីដាំបានរយះពេល១ខែកន្លះ អាចប្រមូលផលបានហើយ។
អត្ថបទដោយ៖ អ៊ាង សុផល្លែត

Read More

លែងពិបាករឿងចៃ កណ្តាំរោមផ្លែឈើទៀតហើយ វិធីកំចាត់ងាយៗបានផលពិតៗដោយមិនចាំបាច់ប្រើថ្នាំពុល

លែងពិបាករឿងចៃ កណ្តាំរោមផ្លែឈើទៀតហើយ
វិធីកំចាត់ងាយៗបានផលពិតៗដោយមិនចាំបាច់ប្រើថ្នាំពុល
ជួយចែលរំលែកបន្តដល់បងប្អូនកសិករយើងផង!

សូមអនុវត្តនូវវិធីខាងក្រោមនេះពិតជាមានប្រសិទ្ធភាពណាស់ ដោយមិនចាំបាច់ប្រើថ្នាំពុល!
វិធីធ្វើ៖ យកប្រេងឆា៣ស្លាបព្រាបាយ សាប៊ូម្សៅ៣ស្លាបព្រាបាយ លាយជាមួយទឺក ១០លីត្រ អាចបាញ់កំចាត់ចៃនេះបាន
ដោយមិនចាំបាច់ប្រើថ្នាំពុល បាញ់រាល់ពីរថ្ងៃម្តង។

Read More

វិធីកំចាត់ដង្កូវឌួង បំផ្លាញដើមដំណាំ សូមជួយចែករំលែកបន្តជាគំនិតល្អៗ

វិធីកំចាត់ដង្កូវឌួង បំផ្លាញដើមដំណាំ
សូមជួយចែករំលែកបន្តជាគំនិតល្អៗ

ប្រើទឹកសាប៊ូលាងចានចំនួន ៥ស្លាបព្រាបាយ លាយទឹក ២លីត្រកូរឲ្យសព្វល្អ រួចអនុវត្តន៍ដូចក្នុងរូប បន្ទាប់មកបើកឧបករណ៏ ដូចនេះឌួង និងដង្កូវចេញមកងាប់នៅលើដីតែម្តង!
ប្រភពពី៖ បេះដូង កសិករខ្មែរ

Read More

ជីវ៉ាន់ស៊ុយ ជាឱសថដ៏ពិសេស!

#ជីវ៉ាន់ស៊ុយ ជាឱសថដ៏ពិសេស! សម្រាប់អ្នកក្រលៀនខ្សោយ និងមានជាតិពុលក្នុងខ្លួន
ជួយសំអាតតម្រងនោមឲ្យមានសុខភាពល្អ និងសារធាតុពុលក្នុងខ្លួនរបស់យើង
ជួយចែកគ្នាដឹងផង!

តម្រងនោមមានតួនាទីយ៉ាងសំខាន់ក្នុងការសំអាតនូវសារធាតុពុលដែលមាននៅក្នុងឈាមរបស់យើងជាប្រចាំថ្ងៃ។
* វិធីធ្វើ៖
យើងត្រូវយកជីវ៉ាន់ស៊ុយមួយក្តាប់ធំលាងទឹកឲ្យស្អាត ដាក់ដាំស្ងោរជាមួយទឹក១លីត្រ រយៈពេល១០នាទី រួចយកទឹករបស់វារក្សាឲ្យត្រជាក់ និងពិសា១កែវរាល់ពេលព្រឹកមុនទទួលទានអាហារ នោះអ្នកនឹងទទួលអារម្មណ៍ថាមានភាពប្រសើរជាងមុនក្នុងរាង្គកាយរបស់អ្នក។ សាកល្បងដើម្បីទទួលបានសុខភាពល្អទាំងអស់គ្នា!
អត្ថបទដោយ៖ អ៊ាង សុផល្លែត

Read More

ដើមខ្មាញ់ ជាឱសថដ៏ពិសេស! ព្យាបាលរដូវមិនទៀង ខ្វះឈាមក្រហម

#ដើមខ្មាញ់ ជាឱសថដ៏ពិសេស! ព្យាបាលរដូវមិនទៀង ខ្វះឈាមក្រហម
ប្រឆាំងជំងឺរលាកថ្លើម ថ្លើមក្រិន មហារីកក្រពះ ពោះវៀន
ជួយឲ្យសក់ដុះលឿន ឃាត់ឈាមមុខរបួស រលាកភ្លើង
ជួយចែកគ្នាដឹងផង!

- សម្រួលអត្ថបទដោយ៖ អ៊ាង សុផល្លែត
Facebook.com/SOPHALLETH
#ការព្យាបាលៈ រដូវមិនទៀង បែកញើសច្រើន ជំនួយពោះវៀន រលាកថ្លើម ខាន់លឿង រក្សាថ្លើម រលាកភ្លើង រលាកទឹកក្តៅ របួស ជំនួយក្នុងការរំលាយអាហារ ជួយផលិតឈាមថ្មី ជំងឺខ្វះឈាមក្រហម គ្រុនក្តៅ។

#ព្យាបាលរដូវមិនទៀង និងជំនួយពោះវៀន រលាកថ្លើមនិងខាន់លឿង ប្រើជាថ្នាំរក្សាថ្លើម។
- កម្រិត និងរបៀបប្រើៈ ដើមស្ងួតប្រើកំរិត ៣ទៅ៦ក្រាមដាំផឹកក្នុងកំរិត ៤០០ទៅ៦០០មីលីលីត្រ សម្រាប់១ថ្ងៃ។
#ព្យាបាលរលាកភ្លើង និងរលាកសើរស្បែកផ្សេងៗ ដោយបុកដើមយកបិត និងលាប។
- ស្លឹកស្រស់ ឬម្សៅខ្មាញ់លាយទឹកឃ្មុំ ផឹកសំរាប់ព្យាបាលរោគខ្វះឈាមក្រហម និងបង្កើតឈាមថ្មី ឬធ្វើអោយឈាមរត់ស្រួល។
*ឯកសារ៖ មជ្ឈមណ្ឌលជាតិស្រាវជ្រាវវេជ្ជសាស្រ្តបូរាណ ២០០៦
#ព្យាបាលជុះឈាម ឬក្អួតឈាម ក្តៅក្នុង ក្អកខ្មាញ់មកបុកអោយផឹក
#ថ្នាំឃាត់ឈាម បុកបិតលើស្នាមរបួស
#ព្យាបាលដំបៅក្រពះចេញឈាម បុកច្របាច់យកទឹកផឹក
#ជាថ្នាំត្រជាក់ លត់ពិសក្តៅក្នុងឈាម ដែលធ្វើអោយបែកសសៃរចេញឈាម ព្យាបាលជម្ងឺឈឺក្នុងស្បូនក្រោយសំរាលកូន ធ្លាក់ឈាមតាមស្បូន រលាកស្បូនធ្លាក់សលាយឈាម។
- ព្យាបាលថ្លើម ប្រឆាំងនឹងជម្ងឺរលាកថ្លើម និងថ្លើមក្រិន មហារីកក្រពះ និងពោះវៀនហូរឈាមលាមកខ្មៅ។ 

- ជួយកុំអោយជ្រុះសក់ និងជួយអោយដុះសក់វិញ បុកលាបសក់ស អោយទៅជាខ្មៅ ជំនួសថ្នាំលាបសក់លក់តាមផ្សារ និងជួយអោយដុះសក់យ៉ាងពូកែ។
បងប្អូនដែលបានអានអត្ថបទនេះ បើយល់ថាមានប្រយោជន៍ដល់បងប្អូនដ៍ទៃទៀត សូមជួយចំឡងនឹងចែកផ្សាយបន្តផង។ សូមផលបុណ្យចិត្តល្អរបស់បងប្អូនជួយអោយជួបតែសេចក្តីសុខ
*** សូមពិនិត្យ និងពិគ្រោះជាមួយពេទ្យឱ្យបានច្បាស់លាស់ និងអស់លទ្ធភាពជាមុន។ វិធីនេះអាចប្រើសាកល្បងនៅពេលដែអ្នកមិនមានជម្រើសផ្សេង។
☞☞☞ សូមរក្សារនូវទម្រង់អត្ថបទដើមទាំងស្រុង នូវរាល់ប្រភពដែលយកអត្ថបទរបស់ខ្ញុំទៅចែកចាយបន្ត។

Read More

ខ្ទឹមក្រហម ពិតជាមានប្រយោជន៍មិនធម្មតាមែន!

#ខ្ទឹមក្រហម ពិតជាមានប្រយោជន៍មិនធម្មតាមែន!
ព្យាបាលបញ្ហាមុខ និងអុចខ្មៅ ជំងឺស្ទះតាមសរសៃឈាម
បំបាត់ផ្តាសាយ ហៀរសំបោរ ទម្លាក់ស្លេស្ម
ជួយចែកគ្នាដឹងផង!

១/ ព្យាបាលមុខកើតមុន និង ស្នាមខ្មៅ
យកខ្ទឹមក្រហម ៤-៥គ្រាប់ បកសម្បកលាងទឹកស្អាតហាន់ស្តើង ៗ ផ្តិតយកទឹកដែលចេញពី ខ្ទឹម លាប លើមុន ដែលពក ឬស្នាមខ្មៅ ឬបិទ លើតែម្តងក៏បាន មុនចូលគេង ទុកប្រមាណ២០នាទីរួចលាងចេញ ឬមានអ្នកខ្លះទុក្ខព្រឹក នឹងទទួលលទ្ធផលគួរជាទីពេញចិត្ត ជាលំដាប់។
២/ ក្នុងការបំបាត់ផ្តាសាយ និងហៀរសំបោរ
ដំខ្ទឹមក្រហម រុំស្បៃ ដាក់ជិត ដំណេក កុមារ និងដំខ្ទឹមក្រហមដែលបកសំបកលាងស្អាត
ហើយចំនួន១ក្តាប់ដាំទឹក ពុះ ៥នាទី លាយទឹក (ដោយមិនស្រង់យកខ្ទឹមចេញ ) ងូតឲ្យកុមារជារៀងរាល់ថ្ងៃ និង បានធូរស្បើយជាមិនខាន ។
តាមការស្រាវជ្រាវ កុមារ តូចដែលកើតផ្តាសាយ តឹងណែនច្រមុះ ហៀរសំបោរ ហើយព្យាបាល ដោយខ្ទឹមក្រហម បានទទួល លទ្ធផលជាទីគាប់ចិត្ត សាកល្បង មើលបើព្យាបាលនឹង ថ្នាំពេទ្យមិនធូរស្រាល ។ 

- ខ្ទឹមក្រហមអាចធ្វើឲ្យរាងកាយ កក់ក្តៅ ជំរុញឲ្យពិសារបាយបាន ,បំប៉នឈាម , បំប៉ន ការចងចាំ , បំប៉នបេះដូង , សម្រួលចលនាឈាមរត់ ,ប្រឆាំងរ៉ាឌីកាល់សេរី ការពារជំងឺមហារីកមិនឲ្យរាលដាល , បញ្ចុះ សារធាតុខ្លាញ់ក្នងឈាម , ជួយដល់អ្នកជំងឺសម្ពាធឈាមខ្ពស់ , អាការៈវិល កើតខ្យល់,ជំងឺកកស្ទះតាមសរសៃឈាម កែផ្តាសាយ , តឹងច្រមុះ , ទម្លាក់ស្លេស្ម , រំលាយអាហារ , ទម្លាក់ព្រូន , ការពារការចម្លងរោគនិងរលាក ផ្សេងៗ , បំបាត់រមាស់ ( បុក យកទឹកលាប ) ហើមជាំ , ជួយបង្អាក់ដំណើរនៃ ពពួក បាក់តេរី , ជួយកែអាការៈក្រោយ ស្រវឹងស្រា។ល។
រៀបរៀង ដោយ ផ្កាយ និស្ស័យ
ចំណាំៈ ខ្ទឹមក្រហម សម្រាប់ ប្រកបអាហារ បរិភោគ មិនមែនជាឱសថព្យាបាលជំងឺឡើយ។
*** សូមពិនិត្យ និងពិគ្រោះជាមួយគ្រូពេទ្យឱ្យបានច្បាស់លាស់ និងអស់លទ្ធភាពជាមុន។ វិធីនេះអាចប្រើសាកល្បងនៅពេលដែអ្នកមិនមានជម្រើសផ្សេង។

Read More